Kush jemi ne?

Në vitin 2016 një grup kompanish prodhuese më në zë në territorin e Shqipërisë, iniciuan krijimin e një entiteti të vetëm për t’i ardhur në ndihmë industrisë prodhuese vendase. Ky grupim përfaqësonte industri që operojnë në fushën e: ushqimit, riciklimit, materialeve të ndërtimit dhe tekstileve. Në këtë tryezë pune u diskutua mbi problematikat aktuale të prodhimit dhe se si mund të gjendej një zgjidhje afatgjatë për këtë sektor. Në fund të takimit u vendos që ky organizim të quhej Bashkimi i Prodhuesve Shqiptarë pasi do të aderonte interesin e përbashkët të të gjithë prodhuesve vendas.